Cebu City- Wala gi-uyunan ni Integrated Bar of the Philippines, Eastern Visayas Governor Atty Elaine Mae Bathan ang panawagan ni Presidential Spokesperson Atty Harry Roque nga pakanaugon sa pwesto si Chief Justice Maria Lourdes Sereno suby na sa impeachment case nga giatubang niini.
Matud ni Atty Bathan nga dili igo nga rason nga pakanaugon sa posisyon ang usa ka impeachable official gumikan sa giatubang nuini nga kaso. Gihimug-atan pa sa abogado nga sa dihang milingkod isip Chief Justice si Sereno , daghang mga kabag-uhan ang na implementar niini ingon man pagdisiplina dili lamang sa mga judges kundili lakip na sa mga abogado ug mga court employees.
Matud usab niini nga nausab na ang panglataw sa mga tawo ug hinay-hinay nga nabalik ang ilang pagsalig sa justice system sa nasud. Angayan matud pa nga tan-awon sa mga magbabalaod kung duna bay kapasikaran ang impeachment complaint batok ni Sereno ug dili kay magpadala na lamang sadikta sa naglingkod karon sa Malacanang.
Gipahinumduman usab ni Bathan ang mga kaubanan niining mga kongresista nga subayon pagbalik ang legal ethics ingon man ang ilang gisumpaang lawyers oath aron nga maghatag kanila ug giya sa ilang pag dungog sa kaso batok ni Sreno ug uban pang mga opisyal sa gobyerno.
