Cebu City-Giduwaan lamang ni Presidente Rodrigo Duterte ang katawhan. Kini maoy gibutyag ni Magdalo Rresenative Gary Alejano kabahin sa gibuhian nga pamahayag ni Presidente Duterte nga tinguha gihapon niini nga makab-ot ang kalinaw tali sa gobyerno ug sa rebeldeng komunistang grupo partikular na sa CPP-NPA.
Matud ni Alejano nga naghatag lamang kini ug kalibog sa katawhan human bag-uhay palang niini gideklarar nga mga terorista ang CPP-NPA ug ang kanselasyon sa peace talks sa mga komunistang grupo.
Gibutyag ni Alejano nga makahatag usab kini ug pagduda sa katawhan sa tinud-anay nga motibo sa presidente. Sigon pa sa kongresista nga dili ikalimod sa tanan nga suod kaayo ang presidente sa mga rebeldeng grupo gane aduna kining mga komunista sa iyahang gabinete.
Gibutyag ni Alejamo nga susamang gipalagot lamang ni Duterte ang katawhan hangtud nga sila ang magkatibuwag samtang nagpahumot usab kini sa mga militar.
Gikinhanglan matud pa ni Alejano nga consistent untabang presidente sa iyahang mga desisyon ug maklaro gayud kung unsa ang iyahang plano kabahin sa mga teroristang grupo sa CPP-NPA aron makita sa katawhan nga sisero kini sa iyahang mga gipangbuhi-an nga mga pamahayag batok sa komunistang grupo.
