Cebu City-Nipagawas ug Haze alert sa Cebu City Disaster gumikan sa nagpadayon nga sunog sa Metro Department Store Ayala Mall.
Gipahimungnuan ni Cebu City Disaster head Nigel Banacia ang mga residente duol sa Mall nga mobakwit gumikan sa aso ni gawas sulod sa nasunog nga deparment store gumikan sa ka delikado niini sa ilang panglawas ilabi sa adunay cardio-respiratory problems.
Matud ni Banacia nga sigon sa mga fire ug health experts nga toxic ang aso ug posible kini nga makamugna ug cancer.
Nanghatag na usab sila karon ug mga mask sa mga tawo nga nanimuyo duol sa dapit.Gibisita usab sa mga opisyal sa City Health ang kahimtangg sa mga residente ilabi na ang usa ka tambalan nga dili kaayo layo sa nasunog nga Department store.Nipahigayon usab sila ug recorida o information drive maylabot sa epekto sa aso.
Gipaablihan usab ang pipila ka mga health centers sa mga barangay nga nagpalibot sa Cebu Business Park sama sa brgy. Camputhaw, Lahug Hippodromo Barrio Luz ug Mabolo kini aron nga matagaan gilayon ug pagtagad ang mga residente nga mosuol ang ilang respiratory problems.
