Cebu City– Sikop ang gitudlong supplier sa party drugs nga Barcelona Ecstacy sa gipahigayon nga follow up operation sa mga kapulisan sa Police Regional Office 7.
Giila ang suspek nga si Ali Gidatul alyas Ryan, ug lumad nga taga Iligan City apan naa na karon nagpuyo sa usa ka condominium sa dakbayan sa Sugbo. Matud ni Police Supt Josefino Ligan, ang hepe sa Regional Intelligence Division sa PRO7,gibutyag niini nga atol sa kasaulugan sa Sinulog Festival,subsub usab ang ilang pag monitor kabahin sa pagkuyanap sa mga party drugs dinhi sa Sugbo.
Una niini ngapahigayon ug buybust operation ang ang RDEU batok sa subject nga si Cloud dela Pena, 21 anyos ug residente sa E. Bedicto St. Cebu City diin nakuha sa posisyon niini ang 16 ka mga tabletas sa Barcelona Ecstacy nga nagkantidad ug 40,000 pesos. Nasikop usab ang lain pang 5 ka mga kaubanan niini nga pulos mga batan-un ug estudyante sa kolehiyo.
Samtang nasikop usab sa usa ka liuve show nga gipahigayon kagabie ang usa ka Pamela Raciles nga giingong namaligya ug ginadiling drogas nga Barcelona ecstacy sa mga kabatan-unan nga naa sa maong party. Nakuha sa posisyon niini ang 3 ka mga tabletas sa barcelona ecstacy.Ang pagkasikop sa 7 ang naghatag ug lead sa kapulisan aron matultulan ang giingong supplier sa drogas nga si alyas ryan .
Nakuha sa posisyon niini ang 28 ka mga tabletas sa barcelona ecstacy. Gisuta pa karon sa kapulisan kung duna bay koneksyon si Alyas Ryan sa una ng nasikop nga Chineses Businessman nga nakuhaan usab ug liquid ecstacy. Una ng gikumpirmar sa Philippine Drug Enforcement Agency 7 nga dunay mga party drugs nga nakasulod sa Sugbo partikular na ang gitawag nga flaka kon zombie drug.
