Cebu City- 63 ka mga pamilya gikan sa Brgy Santa Felomina ug sa Sitio Cambunok sa lungsod sa Alegria ang gipaubos sa pre-emptive evacuation gumikan sa padayonb nga masinating bati nga panahon dala sa bagyo nga si Basyang.
Matud ni Totz dela Cruz, ang assistant PDRRMO head sa probinsya sa Sugbo nga ang maong mga gihiklin ang nagpuyo sa daplin sa dagat ug gikahangaw-an ang paghapak unya sa mga dagkong bawod gumikan sa kusug nga hangin.
Samtang laing 6 ka pamilya usab ang gipahiklin o gipaubos sa pre emptive evacuation gikan sa lungsod sa Boljoon. Ang mga gipahiklin nga mga residente ang temporaryo nga gipahiluna sa coverd gymn sa Brgy Poblacion sa maong lungsod ug gihatagan na og mga relief goods.
Nakatakda usab nga mugikan karong udto ang duha ka mga truck nga maoy kargahan sa mga ekipo ug mga responders aron nga e preposition na daan sa habagatang bahin sa Sugbo diin kasamtangang ubos sa Tropical storm signal number 2. Ang usa ka truck ang e position sa Moalboal samtang ang usa ang ibutang sa lungod sa Boljoon. Matud pa ni Dela Cruz nga ang duha ka truck ang mutuyuk usab sa mga silingang lungsod kung gikinahanglan aron sa pag monitor sa sitwasyon ug kahimtang sa mga residente.
Padayon usab ang pakig-alayon sa mga disaster officers sa habagatang bahin sa Sugbo kabahin sa pinaka latest nga lakat sa panahon ingon man kahimtang sa ilang lugar.
