Cebu City-Usa ka mangingisda ang padayon nga missing hangtud karon sa lungsod sa Medellin.
Matud ni Mr Totz dela Cruz, ang assistant PDRRMO nga nakadawat sila ug impormasyon gikan sa LDRRMO sa Medellin nga dunay usa ka Demetrio Booc nga taga sitio Pasil, Brgy Gibitngil Medellin ang wala na nakapauli human nga nagpalawud kini mga alas-onse ang takna kagabie aron nga mangisda.
Andam na unta ang team sa search and rescue sa Medellin apan delikado pa kaayo ang kahimtang sa dagat. Samtang dunay 167 ka mga foreign tourist ug 85 ka mga local tourist ang na stranded sa isla sa Sta Fe human nga gikansela ang byahe kagahapon .
Ang mga na stranded nga turista ang kasamtangan una nga gipasilong sa PESO Office samtang gipaabot ang pag balik sa byahe. Gumikan sa bati nga panahon, gikansela sa Tourism office ang mga tourism activities sa probinsya sa Sugbo.
Sa laing bahin dunay natalang minor landslide sa Brgy Ilaya sa lungsod sa San fernado apan wala may naapektuhan nga mga residente.
Giatiman na usab sa Department of Public Works and Highways ang midahili nga portion sa karsada sa Brgy Malolos , sa lungsod sa Barili.
Samtang misaka na sa 108 ang ihap sa mga pamilya nga gipaubos sa pre-emptive evacuation gikan sa lungsod sa Ginatilan, Boljoon ug sa lungsod sa Alegria.
