Cebu City-Patay ang duha ka tawo human maaksidente ang gisakyan nilang truck sa Sitio Dasisi Tuna, Brgy Lutopan, dakbayan sa Toledo sa kaadlawon sa Pebrero 17.
Matud ni SPO1 Jemelon Cotmaya sa Toledo City PNP nga ang mga namatay ang giila nga sila si Maria Janela Bantoy 52 anyos ug Antonieta Villarmina 53 anyos pulos mga mamaligyaay ug utanon ug residente sa lungsod sa Balamban .
Matud pa nga gikan sa Carbon Public Market ang truck nga gimaneho ni Roswell Sumbilon ug paingon unta sa Toledo ug Baamban aron ihatud ang mga baligyang utanon sa mga pasahero niini sa dihang nawad-an og preno ang gimaneho niining truck hangtud nga nalimbuwad.
Gawas sa mga namatay samdan usab ug gipangdala sa tambalan ang siyam ka mga pasahero niini lakip na ang duha ka mga menor de edad.
Anaa na karon sa kustodiya sa Toledo City PNP ang driver ug nakatakdang pasakaan ug kasong reckless imprudence resulting to multiple homecide ug multiple physical injuries
