Cebu Ciy-Nag-umol og “Task Force Ungab” ang Cebu City Police Office (CCPO) nga maoy mututok sa pag-ambush patay sa abogado sa self confessed drug distributor nga si Kerwin Espinosa nga si Atty. Jonnah John Ungab.
Matud ni PSUPT. Artemio Ricabo ang Deputy City Director for Administation nga tulo ka angulo ang ilang gitan-aw karon.Posible matud pa nga aduna kini kalambigitan trabaho, personal grudge og polika.Aduna na usab direktiba nga manhunt operation ang CCPO para sa pagpangita sa mipusil kang Ungab.
Mitabang na usab ang NBI sa imbestigasyon.
Samtang naa sa state of shock karon ang pamilya, higala ug kaubanan ni Atty. Ungab sa trabaho. Matud ni Rhonda Mayor Mariano Blanco nga dili sila makatoo sa gisangpotan sa abogado sanglit sa iyang kasayuran wala man kini kaaway sukad nga nahimo kining Vice Mayor sa Lungsod sa Rhonda probinsya sa Sugbo.
Emosyunal usab ug dili pa maka-istprya ang partner ni Ungab nga si Atty. Lanie Villarino nga abogado usab ni Kerwin Espinosa. Mipaabot usab sa iyang pahasubo si Cebu Governor Hilario Davide III sa pamilya sa napatay nga abogado.
Nasayran nga pipila lang ka minuto sa wala pa nahitabo ang insidente,na- interview pa sa Bombo Radyo Cebu si Atty Ungab kalabot sa promulgation ni Kerwin Espinosa ganihang buntag sa kaso niining illegal possesion of firearms niadtong 2010 kung diin gidismiss kini sa korte.
Nasayran usab nga aduna pa unta kini hearing ugma ug sa Biyernes ngadto sa RTC Manila kalabot sa kaso nga gi-atubang ni Kerwin Espinosa.
