CEBU CITY –Patay ang usa ka ex-convict human misukol sa kapulisan sa Talisay City Police Station atol sa gipahigayun nga buybust operation sa Sitio Kanipaan, Brgy. Pook, dakbayan sa Talisay.
Giila ang subject nga si Agustin Lastimado, 31 anyos ug residente sa nahisgutang dapit.
Matud ni Marian Ponce, ang none uniform police sa Talisay City PS, nga nakamatikod ang subject nga pulis ang iyang katransaksyon hinungdan nga mibunot kini ug armas.
Apan dali kini nga gi-unhan ug pusil sa kapulisan, rason sa hinanali nga kamatayun niini.
Nasikop usab ang tulo ka kaubanan sa suspek nga sila si Restitoto Sinoblos, 48 anyos, taga Inabangga Bohol, Michelle Polintidas, 21 anyos, nanimuyo sa nahisgutang dakbayan ug Ian Padillo, 28 anyos.
Nakuha sa posisyon sa maong subject ang usa ka caliber 45 nga pistol ug shabu nga adunay gibug-aton nga 25 ka gramos. Samtang nakuha usab sa kaubanan niini ang 5 ka gagmayng pakete sa shabu.
Nasayran nga usa ka high value target si Lastimado ug bag-o pa nga nakagawas sa prisohan sa kaso nga frustrated murder.
