CEBU CITY – Nagpahigayun ug Basketball Wheelchair Program ang Philippine Accessible Disablity Services, Inc. (PADS) gahapong adlawa sa Mandaue Sports Complex uban ang kagamhanan sa syudad sa Mandaue.
Kung diin midonar ang Australian Foundation sa Australian Embassy ug 15 ka mga sports inspired wheelchair ug 2 ka wheelchair para sa triathlon ngadto sa mga miyembro sa disability sector.
Matud ni Jaypee Maunis, ang founder sa PADS, nga human sa pagpanghatag, gisugdan ang duwa nga basketball sa mga PWD’s gamit ang naavail niini nga mga wheelchair.
Matud pa niini nga gibuhat nila ang maong lakang isip pagbuhi sa nahisgutang programa sa Sugbo pinaagi sa pagpanghatag ug bag-ong mga sports equipment sa mga PWD’s para magamit sa ilang mga disability sports.
Dugang pa ni Maunis nga usa usab sa tinguha sa maong programa nga mapromote ang healthy lifestyle sa mga benepisyaryo.
Apan, gihimug-atan niini nga usa sa pinakagitinguha nila nga maka-tampo sa Sports Development for Athletes with Disabilities sa nasud.
Diin naningkamot sila nga makahatag ug igo nga suporta nga makuha gikan sa mga eksperto para mahatagan gayud ug igong pukos ang sporting program sa Pilipinas.
