CEBU CITY –Gi-warningan ni Sen. Dick gordon ang publiko sa plano nga pamulitika sa ubang mga politiko nga misuporta sa pagusab sa batakang balaod sa nasud.
Kini subay sa init nga panawagan nga usbon ang panggobyerno sa Pilipinas gikan sa semi unitary ngadto na sa federalism.
Matud ni Gordon nga mas angayan nga mag-gikan sa katawhan ang panawagan sa pagusab sa pipila ka probisyon sa atong batakang balaud.
Dugang niya nga prioridad ang panginahanglanon sa katawhan kung duna man gani probisyon nga usbon.
Gitataw sa senador nga sagad sa panginahanlon sa yanong tao mao ang trabaho, health care, edukasyon kung diin makaya raman kini sa gobyerno bisan paman og dili usbon ang constitusyon.
Sigon pa ni Grodon nga 7 billion ka pesos ang magasto sa proseso sa pag usab sa batakang balaod nga unta pwede naman kining mahimong pundo sa mga kasamtangang proyekto sa gobyerno nga nakatabang na sa publiko.
Gidugang sa senador nga kung adunay man gani usbon angayan nga hinay-hinayon kini sama sa gibuhat sa Estados Unidos sanglit aduna pa usab daghang konsederasyon nga pagkahimuon sama na lamang sa kung unsa nga matang sa federalismo ang angayang i-implementar sa Pilipinas.
