Cebu City- Nasikop ang duha ka drug users nga lalaki human maaktuhi nga nagtinunolay ug iligal nga drogas gahapong adlawa sa Barangay Manipis, Dakbayan sa Talisay.
Giila ang mga suspetsado nga sila si Anselmo Pantakada, 39 anyos ug Wensim Alburo Antopena, 33 anyos. Matud ni SPO1 Aquiles Cabando, sa Talisay Police Station nga naaktuhan sa usa ka pulis nga si PO2 Benoni Umayan Arisgado, kinsa wala nadestino sa nahisgutang dakbayan, ang maong mga suspetsado sa gibuhat nga iligal samtang nagpadung unta kini mupauli sa Sibugay, Lutupan, syudad sa Toledo.
Matud pa nga nakuha sa posisyon sa mga suspek ang 4 ka sachet sa shabu nga adunay gibug-atun nga .28 ka gramos nga mukantidad ug 1,200 ka pesos.
Sa pagkakaron, nagtingkagol sa prisohan ang mga suspetsado sa dakbayan sa Talisay ug gikatakda nga pasakahan ug kaso nga adunay kalapasan sa iligal nga drogas
