Cebu City– Gihagit ni Presidential Chief Legal Counsel, Atty Salvador Panelo ang mga mikwestyon ug dili kumbinsido sa bag-ong balaud nga gipirmahan ni Presidente Rodrigo Duterte nga naghatag ug gahumn sa PNP Chief ug sa deputy sa CIDG nga maka-issue ug subpoena alang sa mga witnesses nga makatabang sa ibestigasyon.
Sa pakighinabi sa Bombo Radyo ni Atty Panelo, gibutyag niini nga kung kinsa man ang mu kwestyon sa RA 10973 mahimo nila kini nga kwestyunon sa Korte Suprema.
Gihimug-atan ni Panelo nga dako ang matabang sabag-ong balaud sa imbestigasyon sa kapulisan hilabi na sa pagpanguha ug mga impormasyon nga makatabang sa pagsulbad sa kaso. Dugang niini nga maong naglisud ang PNP sa pag sulbad sa mga kaso sanglit ang mga nakasaksi sa krimen o ang mga witnesses ang dili mu kooperar sa kapulisan, gane pinaagi niining bag-ong balaud mahimo nga manubag ang usa ka tawo nga gi summon sa PNP kung dili kini mutunga sa gikatakda nga adlaw.
Matud pa ni Panelo nga walay kalahian ang subpoena nga gi issue sa PNP ug sa korter maong dili angay nga mabalaka ang mga tawo nga dunay mahitabong pagpang-abuso.
Gihimug-atan ni Pnaelo nga walang nalapas ug dili kini makalapas sa konstitusyon hilabi na ug ang kongreso mismo ang nagpasar niini.
