Cebu City-Padayon pa nga gipangita ang responsabli sa pagpusil patay sa incumbent councilor nga si City Councilor Edison Dela Rita sa Guihulngan City, Negros Oriental .
Matud ni PSupt Reyman Tolentin ang tigpamaba sa Police Regional Office-7 (PRO-7) nga nakigcoordinate sa sila sa Guihulngan PNP, mobile action forces ug sa AFP para dali nga masikop ang mga responsabli.
Giingon usab ni Tolentin nga usa sa ilang gitan-aw karon nga anggulo mao ang kalambigitan sa mga NPA tungod kay kung mahinumduman niadtong buwan sa Hulyo sa mi-aging tuig nangayo og pakitabang ang konsehal sa PNP human kini gi-atngan sa Barangay Magsaysay.
Girespondehan usab kini dayon sa Guihulngan City Police hinungdan sa pagkamatay sa ilang hepe.
Apan gitataw ni Tolentin nga dili pa nila maconfirm kung NPA ba gyud ang mga suspect sanglit wala ra pa silay nadawat nga pag-angkon sa krimen gikan sa mga NPA.
