CEBU CITY-Sikop sa gipahigayong entrapment operation sa CIDG 7 ang usa ka retired Bureau of Jail Management and Penology officer ug ang bayaw niini human gireklamo nga nangilkil ug 30,000 pesos sa usa ka aplikante sa BJMP.
Ang mga nasikop mao sila si retired Jail Supt Priscillana Gilboy, 49 anyos kinsang taigdumala sa Nuerological Exam sa mga aplikante sa BJMP ug ang bayaw niini nga si Fatima Gilboy.
Matud ni Police Chief Inspector Chuck Barandog sa CIDG 7 nga adunay midangop sa ilahang buhatan nga nag-apply sa pagka Jail Officer 1 sa BJMP ug matud pa nga gipangayu-an siya sa duha ka suspect og 30,000 pesos bugti sa pag proseso sa iyang aplikasyon.
Giingon nga sukad pa niadtong holyweek pa nag kontakanay ang suspect ug ang reklamante. Nunot niini,kagahapon sa hapon, sa usa ka dakong mall sa North Reclamation Area , gipahigayon ang entrapment operation diin nasikop ang mga suspek.
Matud pa ni Barandog nga nakita nila sa cellphone ni Priscillana ang mga binayluay ug mensahe tali sa reklamante ug sa uban pang kontak niini. Nasayran usab nga niadto lang Marso 30, 2018 mi retire ang nahigutang Jail Supt.
Sa pagkakaron nagpadayon pa ang imbestisgasyon sa CIDG kabahin sa kaso sa duha. Nasuta usab nga daghan na kining nabiktima.
Subay niini nanawagan si Barandog sa kadtong mga nabiktima sa suspek nga mupatim-aw aron nga mapatubag gayud ang mga suspek sa salaud nga ilang nabuhat.
Kasong Robbery with extrotion ang kasong ipasaka batok sa mga suspek. Niining mga taknaa wala pa mihatag og habig ang BJMP sa nahitabo.
