CEBU CITY-Hugot nga gibarugan ni Lapu-lapu City Mayor Paz Radaza nga regular ang inspeksyon nila sa mga resorts sa dakbayan sa Lapu-Lapu partikular na sa Mactan kung diin usa kini sa dagsaonon sa mga turista.
Kini human nga mibutyag si Atty. Jonas R. Leones ang Undersecretary for International Affairs and Foreign-Assisted Programs sa Department of Environment and Natural Resources (DENR) nga posibleng mapareha sa Boracay Island nga gisira ang Mactan tungod sa high level sa coliform nga nakita niini sa kadagatan basi sa water result test.
Matud ni Radaza nga gikakurat kini niya tungod kay dugay na nga sila nagalayon sa LGU sa ilang regular water examination.
Dugang pa niya nga naa pa silay gipahigayon nga weekly underwater cleaning ug ingon man ilang imonitor ang mga dicharges sa mga swimming pool sa pipila la mga resorts.
Nakig-alayon na usab matud pa siya sa Environmental Management Bureau (EMB)DENR sa Cebu kalabot niini ug dili lang matud pa siya magpalabi og estorya apan iyang gipasalig nga kini nga tuki-on.
Una na usab namahayag si Radaza nga posibleng ang hinungdan sa presence sa coliform sa kadagatan sa dakbayan sa Lapu-lapu tungod sa mga informal settlers nga namuyo dool sa dagat nga walay mga CR. Hinungdan nga plano niya nga papahawaon kini.
