CEBU CITY – Sobra sa 2 milyones ka pesos ang kantidad sa shabu ug 2 million nga kantidad sa marijuana ang nakuha sa mga kapulisan sa Dakbayan sa Sugbo.
Niabot sa sobra 2 milyones ka pesos ang nakuha nga shabu nga nakumpiska sa manag-lain nga buy bust operation sa Central Intelligence Branch (CIB) ug Drug Enforcement Group (DEG) sa Brgy. Pasil ug Brgy. Tejero.
Nadakpan si Ricardo Daan Boot alyas ‘Bogart’, 23 anyos ang pangidaron ug nagpuyo sa Sitio Lawis, Brgy. Pasil.
Nakuha sa iyang posisyon ang 42 ka pakite nga shabu nga nagkantidad ug 67,260 ka pesos. Samtang nasikop usab si Mark Abella, nagpuyo sa Brgy. Tejero kung diin nakuha sa iyang posisyon ang 175 ka gramos nga shabu nga nagkantidad ug 2 million pesos.
Matod sa Deputy Chief sa CIB nga si PSI John Escober anaa sa 2 hantod 3 ka buwan kini nilang gi surveillance ang subject subay na sa ilang hugot nga kampanya sa illegal nga drugas.
Sa laing bahin, niabot sa 2,504,400 pesos ang kantindad nga naibot nga mga fully grown marijuana sa Boundary Brgy. Gaas, Balamban ug Brgy. Tagbao probinsya sa Sugbo sa gipahigayon nga joint operation sa Provincial Intelligence Branch, Cebu Provincial Office, Balamaban PS ug PDEA.
Niabot sa 5,600 nga mga fully grown marijuana plants ang ilang nakumpiskar kung diin una nang nahibaw-an nga adunay marijuana plantation sa maong lugar.
Giturn-over na karon sa PDEA ang uban nga marijuana plants samtang ang uban gi-dispose na.
