Cebu City- Ang kamatayon sa iyahang paborito nga Lola maoy nahimong inspirasyon sa nag number 2 sa 2017 Bar Examinations nga si Atty Christianne May Balili.
Matud ni Atty Balili nga pipila ka adlaw una ang unang Dominggo sa Board Exam mitaliwan ang iyahang Lola ug sa unang adlaw sa mismong pasulit kini gilubong diin wala kini makatambong. Matud pa nga na heartbroken siya adtong tumura apan gihimo niining inspirasyon ang iyahang lola kinsang iyahang gihulagway nga iyahang number 1 supporter.
Giangkon niini nga childhood dream niini ang mamahimong abogado apan nawala ang iyahang interes sa dihang sugud na kini sa pagtrabaho isip usa ka Certified public accountant. Nablik lamang matud pa ang iyahang interes sa dihang nag abogado usab ang iyahang igsuon. Matud pa nga nangnadoy siya nga malakip sa top 10 apan dili siya makatuyo nga makuha niya ang ikaduhang pwesto sa usa sa pinakalisud nga pasulit sa nasud.
Gisaysay niini nga grabe ang iyahang nerbyos samtang nag paabot sa resulta sa board exam ug susamang nawad-an kini ug kusug sa dugay nga paabot sa resulta sa bar apan matud pa nga nakalukso lukso ug nakasyagit gyud siya sa tumang kalipay sa dihang nakadawat siya sa maayong balita. Ang pagsalig sa kaugalingon ug sa mga tawong misalig usab sa iyahang kapasidad inubanan sa pag ampo sa Ginoo maoy nakadala kaniya sa kalampusan nga natagamtam niini karon.
Matud pa nga sa pag tuon ug sa pag review dili kinahanglan nga sundugon gyud ang estilo sa uban sanglit matag usa naay kaugalingong estilo, ug gikinahanglan lang nga sundon nimu kini aron mamahimo kang kumportable sa imong pagtuon. Plano karon sa 32 anyos nga baogada nga mag celebrate usa kauban ang iyahang pamilya ug ipadayon ang iyahang trabaho sa usa ka Law firm didto sa kauluhan.
Samtang, natuman gayud sa 26 anyos nga top 7 sa 2017 Bar examinations ang pangandoy sa iyahang amahan nga dunay usa sa iyahang anak ang mahimong abogado. Matud ni Atty Rhelan Servacio, nga nahiumong pangandoy gyud sa iyahang amahan nga mamahimong abogado apan wala kini mahinayon sanglit nag focus kini sa ilahang negosyo maong silang mga anak nalamang ang gilauman niini nga magpadayon sa iyahang pangandoy. Si Atty Rhelan maoy labiung una nga CPA ug aboigado sa ilahang pamilya. Giangkon niini nga naguol siya sa dihang nahibaw-an nga gamay lang ang nakapasar ug nagduda usab siya sa iyahang kaugalingon kung lakip ba siya sa nakalampos sa maong pasulit.
Dako matud pa ang iyahang pasalamat nga nalakip siya sa top 10 ug dili masukod ang iyahang kalipay. Matud niini nga ang pagkasincero sa pagtuon ug ka andam sa pag give up sa tanan aron lamang makab-ot ang poangandoy maoy nahimo niining dalan padung sa iyahang kalampusan karon.Dili matud pa kinahanglan nga 100 posrsyento gyud nga e focus nimu ang imong tanang oras sa law school sanglit matud pa nga di lalim maong gikinahanglan nga duna jud kay gitawag nga breather ug sa iyahang habig, ang pagtudlo maoy usa usab ka butang nga gihimong kalingawan samtang naa sa law school.
Hangtud karon, dili pa gihapon makatuo ang 4th placer sa Bar exams nga si Atty Ivanne D’Laureil Hisoler nga naapil kini sa top 10 sa 2017 Bar Examinations. Matud niini nga wala man sa iyahang palano ang musulod sa law school sanglit daan na niing gusto nga mamahimong doctor hinungdan nga mikuha kini sa kursong nursing hangtud nga nahimong registered nurse. Gi-awhag lamang matud pa sa iyahang tiyo nga usa usab ka abogado nga suwayan ang law school hangtud sa ganahan na usab siya ug karon nalakip pa sa top 10.
