Bagito nga pulis patay human mabanggaan ug bus

CEBU – Patay ang usa ka bagito nga pulis human kini nga nabangga-an sa Ceres bus samtang paingun na kini pa-uli.

Giila ang maong pulis nga si PO1 Jordan Jim Padron Nievera nga na-assign sa Consolacion Police Station apan lumad nga taga Sumagwan, lungsod sa Argao.

Basi sa imbestigasyon, paingun na pa-uli ang biktima sa dihang nabangga-an kini sa ceres bus sa proper town sa Argao.

Gidala pa sa tambalanan ang maong pulis apan gideklarar na kining dead on arrival.

Samtang boluntaryo usab nga mitahan sa iyahang kaugalingun ang drayber sa Ceres bus nga si Jimmy Laurel Perez, 47 anyus, minyu ug taga Ginacot, dakbayan sa Danao.