Brgy. Ermita gipa-ubos na sa State of Calamity human sa nahitabong sunog nga nakamugna og 1.5-M worth nga damage

CEBU CITY-Gipaubos na sa state of calamity ang Brgy. Ermita human sa nahitabong sunug ganihang buntag.

Nanghinaot si Cebu City Vice Mayor Edgardo Labella nga ipadaplin una sa lokal nga kagamhanan sa dalbayan sa Sugbo ang pulitika ug matabangan ang mga biktima sa sunug sa Brgy Ermita.

Kini human usab nga dili kaalyado ni Cebu City Mayor Tomas Osmena ang kasamtangang kapitan sa Brgy Ermita nga si Kapitan Mark Miral.

Matud ni Vice Mayor Labella nga iyahang hangyuon ang Mayor nga ipa re block ang lugar nga nasunugan sanglit mao kini ang usa sa mga hinungdan nganong dugay nga maka penetrate ang mga kabumberuhan sa area.

Gipasalamatan usab ni Labella ang mga kumpaniya nga nihatag ug dalan aron makaagi ang mga apektadong residente.