CENTRAL VISAYAS- Gipapaspasan sa buhatan sa Land Transportation Office-Central Visayas ang mga serbisyo sa mga kliyente nga mubisita sa buhatan, subay na sa nasinati nga pagpangdasok sa mga tawo aron lang asikasuhon ang mga settlements ug transactions.
Kini human nga ang buhatan sa LTO Operations Division sa N. Bacalso Avenue, nakasinati og grabe nga pagdagsa sa mga tawo nga mokabat sa 350 to 400 transactions matag-adlaw.
Hinungdan nga gibutyag ni Atty. James Vincent Santiago, ang Acting Chief of Operating Division, nga gikan sa 1-2 ka oras nga paghuwat sa transaction, mamahimo nalang moabut sa 10 minutos ang labing dugay niini aron mas mapadali ang proseso.
Sigon niini, nga gumikan sa kalangay sa mga transaction kaniadto, makaaghat kini sa mga kliyente nga mangita og fixer gumikan sa kalangay, samtang nagdugang usab sila og mga aircon sa buhatan aron nga hamugaway ang palibot kung ugaling magdasok ang mga tawo.
Gihimug-atan ni Santiago, nga usa sa mga nakalangay sa proseso ang mga transaction nga dili na kinahanglan, hinungdan nga ila kining gi-reorganize aron sa ingun paspas ang dagan sa operasyon.
Nahimong dakong hagit usab sa buhatan ang intensified nga pagpanakop sa LTO-7 ug ang sunod-sunod nga offline sa operasyon,rason nga daghang mga pending transactions ang mabalda.
Gipasidunggan usab niini, ang dakong tabang sa kasamtangang operasyon sa LTO-7 ang mga bag-ong empleyado niini sa buhatan nga kugi nga nibuhata sa ilang trabaho, nga maoy rason sa paspas nga transaction.
