Cebu City-Malaumon si kanhi Iloilo 5th District congressman ug kanhi Judicial and Bar Council Member, Atty Niel Tupas Jr nga sundon sa mga miembro sa Supreme Court ang Constitution sa paghimo ug desisyon sa quo warranto petetion batok kang Chief Justice Maria Lourdes Sereno.
Kini bisan pa man ug nakadawat nakini ug mga impormasyon gikan sa iyahang sinaligang tinubdan nga mayorya sa mga justices ang muboto pabor sa quo warranto aron mapalagpot si Sereno. Matud ni Atty Tupas nga dili na ikalimod sa tanan nga kasagaran sa mga justices ang nasuko ug wa ganahe ni Sereno.
Subay niini gikinahanglan nga mangin objective ug dili ibase sa ilang kasuko ang mamahimo unya nilang desisyon .
Gibutyag niini nga gikinahanglan nga maampingon ang mga justices sa ilang desisyon nga pagabuhaton sanglit mamahimo na kining parte sa balaud.
Sa higayon nga mapalagpot si Sereno pinaagi sa quo warranto,mausab matud pa ang principles of impeachment, on quo warranto ingon man ang political aspect sa maong probisyon. Mamahimo matud pa nga mahitabo sab ni sa bisan kinsang impeachable official.
Hinuon, matud ni Tupas nga mga utukan angb mga mahistrado ug unta gamiton nila ang ilang kaalam aron makahimo ug desisyon nga nahisubay sa konstitusyon.
