CEBU CITY-Gisusi usab karon sa kapulisan sa lungsod sa Buenavista sa Probinsya sa Bohol ang posibilidad nga posible my kalambigitan sa mga giingong utang sa Mayor ang motibo sa pagpatay kaniya.
Kini human nga dunay impormasyon nga nadawat ang hepe sa kapulisan sa Buenvaista kabahin sa gialegar na huwam nga kwarta sa Mayor ngadto na sa mga babaye nga iyahang naka relasyon.
Matud ni Police Chief Inspector Roly Lauron nga dako nga kantidad ang nahuwam sa Mayor ngadtop na sa mga babaye nga naka rerlasyon niini.
Gawas ini gikataho usab nga mga minyo ang mga babaye nga iyahang gikalambigitan.
Hinuon sa pagkakaron padayon pa ang ilang imbestigasyon sa kaso diin duna pud silay mga dugang anggulo gawas sa pulitika ug negosyo sa Mayor.
Nasayran nga bisan ug napasaka na ang kasong murder batok sa mga amumuno niini, hangtud karon wala pay lead ang kapulisan sa gikahimutangan sa mga suspek.
Gipaabot na lamang nila ang warrant of arrest nga e issue unya sa korte sa higayon nga makalusot na sa piskal ang ilang gi file nga kaso.
Nasuta usab nga duha sa upat ka mga suspek nga sila si Elmer Melencion ug Egmedio Aparece ang duna nay pending warrant of arrest gumikan gihapon sa kaso nga murder.
Dako usab ang posibilidad nga naa pa sa probinsya sa Bohol ang mga suspect sanglit naa may naka report sa kapulisan nga nakita sila sa silingang mga lungsod.
