Cebu City- Ipaubos karon sa ballistic examination ang usa ka kabhang ug usa ka buhing bala sa .40 caliber nga nakit-an sa usa ka bystander nga gihatud sa Daanbantayan Police Station.
Kini maoy gibutyag ni Police Senior Inspector Adrian Nalua ang hepe sa Daanbantayan Police Station.
Matud sa hepe nga padayon pa nila karon nga gihangyo ang kampoi sa Mayor nga kung mahimo e turn over sa ilaha ang armas nga mibuto.
Nasayran nga una ng giingon sa kampo ni Mayor Loot nga dili iyaha ang armas nga matud pa aksidenteng mibuto sa dihang paingon na kini lingkud sa sakyanan nga gipanag iya ni retired Police Inspector Jose Dupay.
Nasayran nga naigo sa iyahang wala nga bagtak ang mayor sa pagbuto sa maong armas.
Gikumpirmar usab sa tigpamaba niini nga naa na karon sa luwas nga kahimtang si Mayor Loot.
Si Mayor Loot ang una ng nabutang sa kontrobersya ang mayor sa Daanbantayan gumikan sa paghingalan kaniya ni Presidente Rodrigo Duterte nga nalabigit sa iligal nga drogas.
Niadtong Mayo 13 , gibanhigan usab siya kauban ang iyahang pamilya diin dunay 3 ka mga naangol sa maong insidente.
