Cebu City- Hangtud karon wala gihapon maturn-over sa Daanbantayan Police Station ang armas nga matud pa aksidente nga mibuot ug nakaigo kang Daanbantayan Mayor Vicente Loot.
Kini maoy gvikumpirmar sa Bombo Radyo ni Police Senior Inspector Adrian Nalua. Matud ni PSI Nalua nga padayon ang ilang paghangyo karon sa kampo sa mayor nga kung mahimo mu cooperate sila sa gipahigayon nga imbestigasyon.
Mibalibad usab matud pa si Mayor Loot nga mag pa ubos sa paraffin test aron masuta kung siya ba gayud ang nakapabuto sa armas. Base sa impormasyon nga nakuha ni PSI Nalua sa Crime Laboratory 7 nga mipirma ug dokumento ang mayor nga nagdumili kini nga mupaubos sa maong eksaminasyon.
Nasayran nga bugtonmg basehanan lamang karon sa PNP sa Daanbanatayan maop ang gi turn-over nga usa ka kabahang ug usa ka buhing bala sa caliber .40 nga nakuha matud pa sa usa ka bystander duol sa lugar nga nahitabu-an sa insidente.
Una ng migawas ang mga pagduda nga accidental firing ang nahitabo sa mayor kundili gipusil gayud kini sa iyahang asawa gumikan sa gikaingong nasakpan kini nga dunay gisabak nga batan-ong babaye. Hinuon gihimaka sa magtyi-ayon ug gikataw-an lamanga ng mga ninggawas nga spekulasyon.
Nasayran nga niadtong Mayo 30 sa gabie gikaingong aksidente nga nahikapan ni Mayor Loot ang usa ka gahi nga butang sa dihang naglingkod na kini sa sakyanan ug sa dihang iya kining gikuha kalit lang kining mibuto ug naigo siya sa wala nga bahin sa iyahang bagtak. Naa na sab sa luwas nga kahimtang ang mayor.
