CEBU CITY-Gibutyag ni Presidential Chief Legal Counsel Atty Salvador Panelo nga dili trabaho sa Presidente ang pagpasaka ug kaso sa mga gikaingong korap nga mga opisyal sa administrasyon ni Presidente Rodsrigo Duterte.
Kini maoy tubag ni Atty Panelo sa pasangil ni Senator Antonio Trillanes IV nga gipasahgdaan lamang ang mga nalambigit sa korupsyon. Matud ni Panelo nga ang tanang mga gipaglagpot ug mga ninghawa sa ilang posisyon nga nalambigit sa korupsyon , ang gi trabaho na karon sa DOJ ug sa Ombusdsman aron nga imbestigaran.
Gibutyag pa niini nga duna nay mga dokumento nga gipasa sa maong mga buhatan aron maghimo sa ilang trabaho sa pagsusi sa mga kaso. Gihimug-atan niini nga dili sayon ang pagpasaka ug kaso sanglit ila gayud nga gisiguro nga dili kini dali-dali nga madismis pag abot na sa Korte.
Gihimug-atan usab niini nga dili tanan nga gipalapot sa ilang posisyon ang nalambigit na dayon sa korapsyoon diin matud pa nga ang uban, dunay conflict sa ilang departamento maong gibalhin ug laing departamento.
Samtang gibutyag usab ni Panelo nga ang mga gikaingong gi-pang recyle ni Duterte nga mga tawo ug magbalik balik ang korupsyon, matud ni Panelo nga dili kini tinuod.
Matud niini nga ang mga na re-appoint ang wala nalambigit sa korupsyon hinungdan nga gibutang sa laing departamento kung asa sila mas haum ug ang katong mga nalambigit sa korupsyon ang wala na gyuy tsansa nga makabalik pa sa administrasyon ni Duterte.
