CEBU CITY-Patay ang gitoohang druglord sa Talisay City, Cebu nga si Steve Go human nga gipusil sulod sa Mandaue City Jail.
Basi sa inisyal nga imbestigasyon nga gipusil kini sa iyang kauban nga inmate sulod sa jail facility. Giila ang suspek nga si Crescenciano Eraña.
Nakabati nalang matu pa ug buto ang gwardiya nga gikan sa selda kung diin nakadetaine si Go ug sa dihang pagsusi nakita nalang nga naligo na sa kaugalingong dugo si Go
Dali usab matud pa nga gisurender sa suspect ang pusil nga gigaamit niini sa pagpusil ug giingon nga gipanag-iya kini ni Go. Giingong nag-ilogay kini og nakapabor ang suspek mao nga napusil niya si Go.
Padayon usab karon ang imbestigasyon kung una ang tinood nga hinungdan sa pagpusil og kung nganu nga naay pusil sulod sa jail facility.
Samtang gikwestyon usab karon sa manghud Steve, nga wala nagpahingan ang nahitabo tungod kay matud pa sa mga dalaw nga nakita nila nga adunay misulod nga Special Weapons and Tactics o SWAT nga misulod sa naasoy nga jail facility sa wala pa nahitabo ang maong insidente.
Dili usab konbinsido ang igsoon ni Go nga inmate ang mipusil sa iyang igsoon tungod kay ngano matud pa nga makasulod ang pusil sa prisohan nga nagpahigayon pa man unta og greyhound operation niadtong Biyernes.
Si Steve Go ang pag-umangkon sa former councilor sa Talisay City, Cebu nga napatay usab sa wala pa mailhi nga suspek sa gawas mismo sa iyang balay niadtong nakalabay nga Marso 21.
