CEBU CITY-Nasikup ang upat ka mga durugista sa tulo ka operasyon sa Barangay Guizo, dakbayan sa Mandaue.
Giila ang maong mga dinakpan nga sila si Bernadito Pepito, 38 anyus, kinsang nakuha-an ug duha ka dagkung pakete nga shabu nga adunay gibug-atun nga 200 grams ug gibana-banang nagkantidad ug 1 milyon ka pesos; nasikup usab sila si Alma Tala-ogon, 43 anyus; Reynante Tala-ogon, 43 anyus; ug Mark Kevin Arriesgado, lumad nga mga taga Barangay Mabolo, dakbayan sa Sugbo.
Gibutyag ni MCPO spokesperson Police C/Insp Mercy Villaro nga wala sa watchlist ang mga dinakpan hayan posibling mga bag-u pa lang kini nisulud sa maong iligal nga negosyo.
Sa pagkakarun padayun ang pagkuha sa kapulisan ug impormasyon sa mga dinakpan kung diin ni sila nagkuha ug iligal nga drugas.
