CEBU CITY-Subject sa background check ang mga pulis mga mubisita sa haya ni SPO1 Adonis Dumpit.
Kini mao ang pamahayag ni Provincial Police Regional Office Director PCSupt Debold Sinas subay sa padayong gidebatehan ug kontrobersyal nga pagkamatay ni Dumpit diin una na niya nga gibutyag nga pakuhaan og hulagway ang mga pulis nga mubisita ni Dumpit.
Nagkanayon ang director nga wala kini angay kabalak-an gani nagkomedya pa ang direktor nga mu-“smile” lang kung naay camera bisan pa og dili sila uyon niini.
Gitino oa ni Sinas nga ang mga hulagway nga makuha ilang pagatan-awon ug i-background check kung si kinsa ang mga suod ni Dumpit sa pamasin nga duna kini kalambigitan sa iligal nga drogas.
Kini nahisubay usab matud pa sa panultihon nga “Tell me who your friends are, and I will tell you who you are”.
Apan gitataw ni Sinas nga wala niya did-i ang mga pulis nga gusto nga mubisita sa haya ni Dumpit.
Gibutyag usab ni Sinas nga naa na silay mga hulagway sa mga mibisita nga pulis ni Dumpit apan dili kini nila pwede nga ibutyag.
Subay niini gihimug-atan sa director nga suporta sila sa NBI niining maong imbestigasyon.
