CEBU CITY – Pinakanindot tan-awn ang Bombo Medico 2018 para sa mga nag-bakasyon nga Canadian National nga sila si David ug Nan nga bag-o lang niabot sa dakbayan sa Sugbo karong adlawa nga nibisita sa Sto. Niño Church ug nakit-an ang dental ug medical mission sa Bombo Radyo Cebu. Matod pa sa mga banyaga, nga nibisita sila sa sikat nga Sto.
Niño church sa dihang nakit-an nila ang medical mission. Hinungdan nga niduol kini ug sa dihang nakit-an ang gidaghanon sa katawhan nga giatiman sa mga doctors ug volunteers, nibilib kini sa gipakita nga maayung pamatasan sa isig ka-tao ilabi na sa mga lisod sa kinabuhi.
Dugang pa nakit-an usab nila ang ‘spirit ng bayanihan’. Gihulagway sa mga banyaga nga bisan paman ug lahi ang kultura sa mga Pilipino kini gihapon ang pinaka nindot para nila.
Samtang niuli nga malipayon ang mga pasyente nga nakabenipisyo sa Medical Services nga gidalit sa Bombo Radyo Philippines. Mukabat sa 4,221 ka mga tao ang naka-avail sa serbisyo sa Bombo Medico 2018.
