CEBU CITY – Posibleng mo bisita si Cebu Archbishop Jose Palma sa haya ni Jeffrey Cañedo kinsa napusilan patay kagahapon human nisulod sa Cebu Archbishop Palace. Kini ang gibutyag ni Palma pinaagi ni Bishop Dennis Cabanada Villarjo.
Pinaagi ni Msgr. Joseph Tan, ang tigpamababa sa Archdiocese of Cebu matod pa nga nanghinaot nalang si Palma nga iampo si Cañedo ug dili na angay pa nga maghuna-huna ug dili maayu gumikan nasayran sa imbestigasyon nga usa ka isolated case ang nahitabo.
Sigon pa ni Palma nga posibleng mobisita siya sa haya ni Cañedo kung mabalik na siya gikan sa Manila.
Gibutyag usab ni Tan nga nagka-storya na si Palma ug ang amahan ni Cañedo kung diin napasabot na niini ang arsobispo sa kahimtang sa anak nga adunay depression.
Nanghinayang usab si Palma nga kung diin anaa lang siya atong adlawa posible nga matabangan pa niya ang maong lalaki.
Apan giklaro ni Tan nga gikonsidera nila ang nahitabo nga usa ka hulga gumikan nagtap-tap man sa nawng ang laki ug aduna pay dala nga armas.
Subay niini, gipasabot ni Tan sa publiko nga ug kung ang usa ka tao adunay depresion dili kinahanglan ug spiritual counseling apan medikasyon ang gikinahanglan niini.
