Cebu City-Lima ang patay sa gipahigayon nga simulataneous police operation sa dakbayan ug probinsya sa Sugbo ganihang buntag.
Tulo sa mga namatay ang nagikan sa dalbayan sa Talisay nga giila nga sila si Rodel Econas, 25 anyos residente sa Brgy Lawaan, Zerbar Canciano sa Brgy Lagtang ug Rene Fernandez sa Brgy Tangke. Samtang ang duha pa ka mga napatay ang nagikan sa dakbayan sa Mnadaue nga giila nga sila si Karl Niño Macachor, residente sa Tabok Mandaue ug Rnachie Castañeda kinsang residente sa sitio Sudlon, Brgy Guizo.
Matud ni PRO7 Director Police Chief Supt. Debold Sinas nga misukol matud pa ang mga nangamatay sa kapulisan sa dihang gipahigayon ang operasyon. Gibutyag niini nga lehitimo ang ilang operasyon diin dunay gipahigayon ng buybust operation, service of warrant of arrest ug search warrant .
Tumong matud pa sa one time big time operation aron nga wala nay kapaingnan ang ilang mga subject sanglit ang tanang kalungsuran ang nagpahigayon sa ilang operasyon. Andam usab ang regional director sa higayon nga dunay mu kwestyon ug muimbestigar sa ilang gipahigayon nga operasyon.
Gawas sa mga namatay, ubay ubay usab nga mga drug personalties ang ilang nasikop diin ang uban niini ang gikatahong konektado sa napatay nga si Jefrey Jaguar Diaz. Nasikop usab sa laing operasyon dinhi sa dakbayan sa Sugbo ang Brgy Councilor sa Brgy Casili Consolacion Cebu nga si Junie Gun-ob kinsang anak usab sa kanhi Mayor sa nahisgutang lungsod.
Matud sa Guadalupe PNP nga naaktuhan si Gun-ob nga nagsuop sulod sa bal;ay nga gisulod sa kapulisan diin ang subject sa search warrant mao si Clint Fernandez.
Padayon pa ang inventory sa PNP sa ilang mga dinakpan ug mga nasakmit nga mga iligal nga drogas.
