CEBU CITY-Mukabat sa 8.2 million pesos nga kantidad sa shabu ug 3.4 million pesos nga kantidad sa Marijuana ang nasakmit sa kapulisan sa gipahigayon nga one time bigtime operation lukop probinsya ug dakbayan sa Sugbo karong adlawa.
Misaka usab sa 6 ang ihap sa mga namatay sa maong operasyon diin giingong misukolm sa kapulisan. Tulo sa mga namatay ang gikan sa dakbayan sa Talisay, 2 ang sa dakbayan sa Mandaue ug 1 ang sa lungsod sa Carmen nga giila nga si Joseph Tatoy.
74 ka mga tawo usab ang nasikop na ang marijua palantation care taker nga si Fernado Veloso.
Nakasakmit usab ug 9 ka mga armas ug 8 ka mga motorsiklo ang kapulisan.
Matud ni Police Chief Supt Debold Sinas, ang director sa Police Regional office 7 nga malampuson ang ilang gipahigayon nga operasyon diin ubay ubay silang nadakpan ingon man mapasalamaton usab sila sa kooperasyon sa mga barangay officials.
Matud pa nga dili na angaya nga muhatag pa sila ug warning sa mga nalambigit sa ginadiling drogas sanglut hagbay na nga mipasidaan si Presidente Rodrigo Duterte nga ihunong na ang mga iligal nga binuhatan hilabi na ang negosyo sa iligal nga drogas.
