Asst. Operations Officer sa PDEA-7 ug kanhi anchorman sa Bombo Radyo Cebu gi-ambush patay

CEBU CITY- Patay ang Assistant Operations Officer sa PDEA-7 human gi-ambush sa may kilid sa Cebu Provincial Capitol sa Villalon St. Capitol Site kaganinang hapon.

Giila ang biktima nga si Earl Rallos.

Matud sa nakakita nga usa ka barbecue vendor, dunay mitapad nga motorsiklo nga gisakyan og duha ka lalaki sa sakyanan ni Rallos ug kalit niini nga gipusil ang sakyanan sa makadaghang higayon.

Matud pa usab sa lain nga nakakita nga nakagawas pa si Rallos gikan sa iyang sasakyan apan gibalikan kini sa mga suspect ug gitiwasan. Dili muminos sa 15 ka mga kabhang ang narekober sa crime scene.

Nasayran nga kanhi anchormansa Bombohanay sa Udto sa Bombo Radyo Cebu si Rallos.

Padayon karon ang imbestigasyon sa mga pulis sa nahitabong krimen.