CEBU CITY-Wala gikabahala sa Cebu City Police Office (CCPO) ang sunud-sunod nga patay sa dakbayan sa Sugbo.
Kini ang nahimong pamahayag sa City Director sa Cebu City Police Office nga si Police Senior Inspector Ruyina Garma.
Kini human nga daghan na ang nabalaka nga hapit matag adlaw dunay pusilon ug matumba sa siyudad.
Nunot niini, mihagit si Garma nga mudangop sa iyang opisina kung kinsa ang nagtoo nga dunay kasayuran sa sunud-sunod nga pagpatay sa mga tao nga gitoohang dunay kalambigitan sa iligal nga drogas.
Dugang pa ni Garma nga mukuha og affidavit, sundan ang mga panghitabo, ug i-background check ang mga biktima sa riding-in-tandem.
Gipasabot usab ni Garma na ang pagpsangil sa mga pulis nga sila ang nagpaluyo niini maka-iban sa salig sa katawhan ug kini pa ang mamahimong rasob nga magkontra na ang pulis ug publiko.
Kung mahinumduman nga dipalang dugay ubay-ubay na ang gipamatay sa Cebu ug pipila niini nga matud pa napasanginlang dunay kalambigitan sa drogas mao sila Atty. Jona John Ungab, ang abugado ni self-confessed druglord Kerwin Espinosa, PDEA agent ug kanhi anchorman sa Bombo Radyo Cebu nga si Baby Earl Rallos, nga nakuhaan og halos tunga sa milyon pesos nga kantidad sa gitoohang shabu, ug uban pa dini wala pa gihapon natino ang mga suspek ug padayong pang giimbestigaran.
