CEBU CITY-Wala makauyon si Cebu City Mayor Tomas Osmeña nga ma-assign sa Crime Investigation and Detention Group (CIDG) sa Region 7 si PSuperintendent Lito Patay isip hepe. Kini human nga karong adlawa hingpit nga nga milingkod isip bagong hepe sa CIDG si Patay.
Matud sa Mayor nga nalakip si Patay sa listahan ni Mayor Osmeña sa mga walay ayo nga pulis nga nakadestino kaniadto sa Davao City hayan wala siya maka-uyon nga dinhi na usab kini ma-assign sa Rehiyon-7.
Dugang pa usab sa mayor nga daghan na kaayong patay nga nahitabo kaniadto sa lugar nga diin nadestino si Patay hinungdan nga dili siya gusto nga madestino kini sa dakbayan sa Sugbo.
Nasayran nga si Patay ang mihulip ni PSSupt Royina Garma nga maoy direktor karon sa Cebu City Police Office.
