CEBU CITY– Subling gipasabot ni Atty. Arvin Udron ang direktor sa Commission on Human Rights (CHR-7) nga ang trabaho sa mga law enforcer mao lang gyud ang pagpanakop ug dili ang pagpatay.
Kini subay na sa sukwahi nga statement ni Cebu City Mayor Tomas Osmeña ug CCPO Dir. PSSupt Royina Garma diin matud sa mayor nga dili na safe ang Cebu tungod sa halos kada-adlaw nga patay samtang nagkanayon si Garma nga dili kini alarming.
Matud ni Udron nga dugay ra nga gi-isip sa CHR nga sobra pa sa alarming ang vigilante killing sa Cebu.
Makasagmuyo matud pa palandungon nga kung ang mga pulis man gani ang makapusil ug makapatay,nabantayan nila nga susamang tabonan pa sa PNP imbis nga unta imbestigaran.
Kung maka low moral matud pa nga unayon pagpasaka og kaso sa mga pulis ang ilang sakop subay na sa usa sa pamahayag ni PRO-7 Regional Director PCSupt Debold Sinas, gihimug-atan ni Udron nga dunay mga ahensya nga maoy mu-imbestigar ug mupasaka sa maong kaso aron nga matagaan usab og kahupay ang biktima sa tawhanong katungod.
