CEBU CITY– Patay ang usa ka PDEA-7 agent human gi-ambush sa may Brgy Perrelos, dakbayan sa Carcar probinsya sa Cebu kaganinang hapon.
Giila ang biktima nga si Von Rian Tecson 42 anyos ug residente sa Brgy. Napo sa naasoy nga dakbayan.
Matud sa kanhi kapitan ug karon konsehal sa Brgy. Perrelos nga si Jorge Nisnisan, basi sa mga nakakita, sakay matud pa sa motor ang gunman nga mitapad ug mitira sa agent samtang nagmaneho kin sa iyang sakyanan padulong na unta uli.
Duna matud pa nakaback up nga puwang SUV sa motor.
Dugang pa niini, giingong nakabalos pa sa pagpusil ang agent sa mga gunmen kung diin nakaigo pa kini sa backrider sa motor ug nahagbong.
Miresbak usab matud pa ang gunmen nga sakay sa puwang SUV ug mirapido sa sakyanan sa biktima.
Gisakay sa laing suspect ang naigo nga gunman sulod sa SUV sa wala pa kini miikyas tungod kay wala naman nakabarog ang naigong gunmanNatusak-tusak sa bala si Tecson nga maoy hinungdan sa iyang hinanaling kamatayon samtang ang driver niini nga si Arnolfo Baoyaban nasamdan usab apan giingong naka-ambak kini gikan sakyanan ug dali ra nga nadala sa tambalanan.
Narekober ang dili muubo sa 30 kabhang sa crime scene samtang padayon ang imbestigasyon karon sa nahitabong ambush.
Samtang SPO1 Von Tecson ang igsoon sa PDEA agent nga si Von Ian Tecson kinsang gi-ambush patay nga nakahisgot ang iyang igsoon nga dihay nasikop ang ilang team nga usa ka big time drug ug mibahad kanila nga pamatyon silang tanan.
Lakip matud pa sa gibaharan mao ang PDEA-7 Asst. Operations Officer ug kanhi anchorman sa Bombo Radyo Cebu nga si Baby Earl Rallos nga maoy teamleader sa operasyon niadtong higayona.
Kahinumduman nga gi-ambush patay usab si Rallos sa nakalabay buwan.
Gibutyag pa usab ni Tecson nga daghan nang death threat nga nadawat ang iyang igsoon kung diin miabot pa sa punto nga gipadad-an na kini og korona sa patay.
Konsensya ug hustisya ang siyagit sa pamilya sa biktima nga karob mipili lang usa nga magpakahilom.
