CEBU CITY – Naka-full alert status karun ang Mandaue City Police Office sa pagbisita ni Presidente Rodrigo Duterte karung adlawa sa dakbayan sa Mandaue.
Sa pakighinabi sa Bombo Radyo kang Mandaue City Director Police Sr/Supt Julian Entoma, gibutyag niini nga kapin 500 ka mga pulis ang ilahang ipakatap alang sa seguridad sa presidente.
Matud ni Entoma nga daghang mga VIPs ang mu-abut hinungdan nga hugut ang ilahang seguridad sugud kagahapun.
Subay na usab kini sa kamandu-an ni PRO 7 Regional Director Police C/Supt Debold Sinas human sa nahitabung pagpamomba sa Sultan Kudarat.
Gilauman nga mu-abut si Presidente Duterte sa Sugbo unyang alas 3 sa hapon alang sa launching sa P128-M housing project nga gidungan usab sa 49th Charter Day sa Mandaue City.
Nasayran nga kauban sa presidente ang presidential daughter ug Davao City Mayor Sara Duterte-Carpio.
