CEBU CITY – Padayon karong giimbestigaran ang nahitabong pagpabuto sa usa ka massage parlor sa may Tres Borces St. Brgy. Mabolo dakbayan sa Sugbo kaganinang kaadlawon. Gitoohang gipanag-iya kini sa negosyante ug big time druglord nga si Peter Lim.
Matud sa security guard nga si Junie Macaraya, nga pagabas na unta siya human ang iyang shift sa dihang makiya niya ang duha ka lalaki nga sakay sa usa ka motorsiklo nga nakabonet ug mihunong sa atubangan sa massage parlor.
Gisita pa gani kini matud pa kini ni Macaraya apan matud pa kalit nga milabay og explosive device hinungdan sa pagkaguba sa bongbong ug pultahan sa naasoy nga parlor.
Gihulagway sa guard nga usa ka botelya sa wine nga dunay pabilo ang gidagkutan sa riding in tandem ayha giitsa.
Wala na matud pay nabuhat si Macaraya kinsang nakasibilyan na niadtong panahona, tungod na usab kay nakurat kini ug dali usab nga miikyas ang suspect. Wala usab matud pay nadawat nga threat ang naasoy nga parlor ug wala usab nasayod ang security guard sa motibo nito.
Samtang sa laing lokasyon, giitsahan usab og improvised explosive device (IED) ang Inifnity bar nga gipanag-iya ni Peter Lim sa Archbishops Reyes Avenue apan wala kini matud pa kini nakabuto.
Matud ni PSupt Ryan Devaras ang hepe sa Investigation and Detective Management Branch (IDMB) sa Cebu City Police Office (CCPO) nga padayon nilang gisuta ang motibo niini ug kung konektado ba ang duha ka pagpabuto.
Gisusina usab sa mga Explosive Ordinance Disposal Team ang naasoy nga IED. Wala usab nataho nga naangol o namatay sa naasoy na insidente.
Kung mahinumduman, giitsahan usab og bomba ang naasoy nga bar niadtong mga miaging mga buwan ug nadamaged usab ang likod nga parte niini.
