CEBU CITY – Dako ang pagtoo ni Dr. Clarita Carlos kinsang political science professor sa University of the Philippines, nga dunay nagmaniubra ug nagpahimulos sa giingong price hike ug pagtaas sa inflation rate hinungdan nga nagkamahal ang mga palitunon.
Gihimug-atan sa propesor nga dili maapektohan ang Pilipinas sa Trade war sa America batok China sanglit dili man supply chain ang Pilipinas sa China. Kini nunot na usab sa pagbasol ni Duterte nga si US President Donald Trump ang hinungdan sa taas nga inflation rate sa nasud.
Apan tino sa political analyst nga ang hinungdan niining tanan mao ang efficiency o ang dili pagka tuhay sa produksyon sa nasud kung diin angayang tutukan ang production sa rice, corn ug ubang pang high value crops.
Dugang ni Carlos nga daghan lang ang misakay niining inflation hinungdan nga bisa ug barato lang ang abot patas-an sad og presyo. Angayang tan-awon matud pa niini ang mga nagkalain-laing departamento sama sa Department of Trade and Industry (DTI).
Samtang sa hisgutanan sa TRAIN Law, nagkanayon ang professor nga sa uban nakabenepisyo man niini apan kadtong dako ang sweldo ug wala nacover sa TRAIN kinahanglang nga magbayad usab og saktong buhis. Problema niini sigon sa professor nga ang uban wala nagbayad og buhis.
