CEBU CITY-Naka-alerto na ang lukop Central Visayas sa hulga sa kabati sa panahon gumikan sa pagsud na sa bagyo’ng Ompong sa Philippine Area of Responsibility (PAR) kaganiha’ng hapon.
Gisuspenso na sa Lapu-lapu City Cebu Schools Division Superintendent Schools Division Superintendent, Dr. Marilyn Andales ang klase sa elementarya hangtod sa sekondarya sugod kaganihang udto.
Kini gumikan kay kadgahanan sa mga bata ang layo pa og uli-an ug ang uban mutabok pa sa dagat aron maka-uli.
Apan business as usual pa gihapon ang mga trabahante.
DRSamtang, nakatakda usab nga ikansela ang mga biyahe sa tanang sakyanang pandagat ugma sa alas 12 sa udto.
Mao kini ang gikumpirmar ni Lt. Michael John Encina ang tigpamababa sa Philippine Coast Guard (PCG-7).
Matod ni Encina nga wala matod pa sila’y nadawat nga advisory gikan sa PAGASA hinungdan nga ugma pa sila magkanselar sa biyahe gumikan kay nasayran nga mamahimong supertyphoon ang mao’ng bagyo.
Giklaro usab ni Encina nga sukad niadtong niaging semana pa sila nangandam ug sa ilang information dissimination nunot sa pagkuso-kuso sa bagyong Ompong.
Samtang naka-alerto na usab ang City ug Provincial Disaster Risk Reduction Management Office sa Cebu ug naka-search and rescue attire na usab ang mga PNP para sa dali’ng pagresponde.
