CEBU CITY-Tumang kaguol ang gibati sa usa ka Overseas Filipino Worker (OFW) sa Kuwait human nga patayng lawas na lamang sa iyahang duha ka mga anak ang misugat kaniya.
Matud ni Marilyn Versales, kinsang inahan sa managsuong Michael ug Bianca Versales nga naapil sa mga namatay sa nahitabong landslide sa Brgy Tinaan Naga City Cebu.Halos dili kini makatuo sa nadangatan sa iyahang mga anak.
Gisaysay niini sa Bombo Radyo nga sa dihang nahitabo ang insidente, duna na kini pamati nga naay dili maayong nahitabo sa iyahang mga naka. Gisuwayan usab niini pagkontak apan dili naman mutubag hangtud nga nakita nalang niini sa social media ang nahitabo sa ilahang lugar.
Naghuwat pa kini ug pila ka oras sa paglaum nga maluwas ra ang iyahang mga anak.
Apan susamang nahugno ang iyahang kalibutan sa dihang naapil diay ang iyahang mga anak sa mga nanangamatay sa nahisgutang trahedya.
Susamang nawad-an usab kini ug kapikas sa kinabuhi gumikan sa pagkamatay sa iyahang mga anak nga matud pa mao ang iyahang gisaligan samtang nagtrabaho kini sa gawas sa nasud.
