CEBU CITY – Nagkabaylo-baylo na ang mga patayng lawas sa mga biktimasa landslide sa dakbayan sa Naga nga naa sa mga punerarya.
Gireklamo sa mga kabanay sa pamilyang Yapac kinsang 12 sa ilahang mga kabanay ang namatay sa insidente ang matud pa pagkawagtang sa patayng lawas sa ilang kabanay ug pag claim sa laing pamilya.
Matud ni Melissa Corbita nga naungot sa punerarya ang usa sa iyahang pag umangkon nga si Sheila Mae Yapac gumikan kay dunay mi claim nga laing pamilya ug paingon na unta dal-on sa Catmon. I-release na unta kagahapon ang lawas apan gikahibulong na lamang niini nga wala na ug dunay laing mi-claim.
Suma niini nga na identify na daan sa ilang kabanay ang mga patayang lawas ug gipangbutangan ug tag alang sa ilang identity.
Gumikan niini hangtud karon wala ma release ang patayng lawas ni Shiela Mae sanglit gipaabot pa ang DNA result aron masiguro nga siya gayud ang lawas nga mabalik sa iyahang pamilya.
Nasayran nga ugmang adlawa, ihatud na sa uwahing kapahulayan ang magsuong Shiela Mae, Shienaville, ug Edgardo Yapac kinsang nangamatay atol sa nahitabong killer lansdlide sa sitio Sindulan, Brgy. Tinaan, Naga City Cebu.
Ang tulo ang mui graduate na unta karong Marso sa ilang kurso nga Bachelor of Education sa CTU Naga, ug gikaingong pulos usab kini sila academic achievers.
Gawas sa tulo duna pay 7 ka mga kabanay sa pamilyang Yapac ang wala pa na identify ug gipaabot pa ang ilang DNA result.
