CEBU CITY – Gikakurat sa tanan ang nahimong desisyon sa partido ni Cebu Governor Hilario “Junjun” Davide III.
Kini human nga milansar kini sa pagka pagka bise-gobernador samtang gihangyo usab niini ang kasamtangang Vice Governor nga si Agnes Magpale maoy mamahimong running mate niini.
Mitando na matud pa si Magpale sa hangyo ni Davide nga maoy mudagan sa pagka-gobernador ug mu-atbang kang 3rd District Cong. Gwendolyn Garcia, kinsang una ng mi-file sa iyahang kandidatura sa pagka-gobernador.
Suportado sa iyang mga kaalyado lakip na si Davide sa dihang mi-file kini sa iyahang Certificate Of Candidacy sa buhatan sa Commission on Elections (COMELEC).
Hinuon, si Magpale wala pa maka-file sa iyahang COC gumikan kay nagpaabot pa kini sa iyahang Certificate of Nominaton and acceptance kon CONA gikan sa Nationalist People’s Coalition.
Una nang gibutyag sa bise-gobernador nga dili na unta siya mudagan sa bisag unsa mang posisyon sa probinsya sa Sugbo apan isip pagsanong sa hangyo ug pag-ila sa utang kabubut-on niini kang Davide.
