CEBU – Walay angayang ikabalaka ang publiko subay na sa pagkasikop sa usa ka gituohang miembro sa Moro Islamic Liberation Front kon MNLF sa Brgy Basak, dakbayan sa Lapu-Lapu.
Kini maoy gibutyag ni C/Supt Debold Sinas, direktor sa PRO-7, nga subay sa pagkasikop kang Claudio Lariosa Tano kon Rajah Ahmad L. Tano kinsang gituohang lider sa MNLF sa Eastern Visayas.
Ang maong operasyon usa ka joint operation sa Lapu-Lapu City Police Office ug Ormoc City Police Office.
Matud ni Sinas nga walay labot ang MNLF sa kaso nga guiatubang niini. Posiblke nga nagpahipi kini sa Lapulapu gumikan kay duna kini siyay paryente sa maong lugar.
Gidala na sa Ormoc ang dinakpan ganihang buntag.
Dako usab ang pagtuo ni Sinas nga duna pay laing wanted person ang naa dinhi sa Sugbo apan matud niini nga safe gihapon ang Central Visayas sa terorismo.
