Cebu City-Balik bilanngoan ang usa ka bagong nakagawas nga ex-convict human kini nga masikop sa gipahigayong buybust operation sa Brgy Cansujong dakbayan sa Talisay , Cebu.
Ang subject sa operasyon giila nga si Ramses Abatayo, residente sa Brgy Tabunok sa naasoy nga lungsod ug bagong nakagawas sa Abuyug Leyte Regional Prison tungod sa kaso niini nga duna na usab kalambigitan sa iligal nga drogas
Sa pakighinabi sa Bombo Radyo kang Police Supt Marlo Conag, ang hepe sa Talisay City PNP , giingon niini nga pagkagawas mismo sa subject mibalik na dayon sa iyang pagbaligya og iligal nga drogas sa dakbayan sa Talisay at ug sa kasikbit nga mga lungsod.
Posible matud pa nga duna pa kini conatct sulod sa prisohan ang subject ug wala usab gisalikway sa PNP nga didto nagagikan ang supply niini sa iligal nga droga.Nakuha gikan sa subject ang sobra sa 100 grams nga shabu nga dunay Dangerous drugs board value nga 1.1 million pesos.
Samtang sa laing bahin patay ang usa ka high value target sa Lapulapu City Police Station human kini misukol sa mga pulis.
Ang subject sa operasyon giila nga si Marc Jumao-as , residente sa Marigondon Lapulapu City apan nag susuply usab og iligal nga drogas sa mga isla nga sakop sa Cordova ug Lapulapu City. Kanhi na usab kini matud pa nga subject sa operasyon apan idlas kini sa mga kamot sa pulisya.
Armado matud pa ang subject sa dihang nahitabo ang operasyon ug una pa nga nagpabuto sa mga pulis . Nakuha gikan niini ang sobra 120 thousand nga kantidad sa shabu ug usa ka caliber 38 pistol.
