Cebu City-Gihimakak ni Raquel Arce, ang pangulo sa Prevention, Restoration, Order, Beautification, Enhancement (Probe) nga dili sila ang nag yabo sa baligya sa mga mamaligyaay sa dalan N. Bacalso nga mikatap sa social media.
Giangkon ni Arce nga sila ang nag operate niadtong higayuna ug usa ka lehitimo ang maong operasyon.
Apan gitataw ni Arce nga dili nila iyabo ang mga baligya sa mga vendors nga namaligya sa mga matawag nga hot spot areas kon mga lugar nga gidili ang mga vendors.
Sayod matud pa si Arce nga ma alkanse na daan ang mga vendors sa higayon nga kumpiskahon nila ang mga baligya apan gipatuman lamang nila ang balaud sa syudad. Gibutyag pa niini nga posible nga duna lamang nanabla nga mga vendors ug gipasangil sa PROBE ang pagyabo sa mga baligya.
Ang mga baligya sa mga vendors nga naa sa hot spot areas ang kumpiskahon gayud sa PROBE ug dili na gayud nila e uli bisan ug mubayad pa ug multa ang mga vendors.
