Cebu City-Napalitan na ug tickert ug nakabyahe na pauli sa Carmen Bohol ang usa ka lalaki nga naluwas sa mga sakop sa bantay dagat sa dakbayan sa Talisay.
Matud ni Talisay City Councilor Jojo Bacaltos nga 1:15 mganihang hapon sa dihang nakalarga ang barko nga gisakyan ni Ceferino Angco, 48 anyos paingon sa probinsya sa Bohol.
Una niini narescue sa mga sakop sa banbtay dagat si Ceferino sa ddihang nakit-an kini nga naglutaw lutaw sa kadagatan nga sako sa Talisay City.Sa dihang na rescue gibutyag niini, nga buot unta siyang mupauli sa Bohol ug gumikan kay walay ika plite maong nagdesider kini nga mulangoy na lamang paingon sa Bohol.
Gawas sa dugay na nga wala makauli,buot usab niini nga makaduaw sa iyahang mga mahal sa kinabuhi nga namatay na didto sa ilang lugar hilabi na ug padung na ang adlaw sa paghandum sa mga minatay.
Storya pa ni Ceferino nga gidala siya sa iyahang ig-agaw dinhi sa Sugbo aron manrabaho apan matud pa nga nagkalalis sila hangtud nawad-an na pud siya ug trabaho hinungdan nga namasura na lamang kini.
Gipa ubos usab kini sa drugtest apan nag negatibo ra usab ang resulta niini.
