Cebu City-Usa ka sako sa makahubog nga ilimnon ang nasakmit sa mga kapulisan sa Carreta cemetery.
Matud ni PO1 Ron Caballez nga gisuway nga ipasulod sa sementeryo ang maong ilimnon apan gi hold kini sa pulis ug gipatawag ang tag-iya nga maoy mag claim niini. Wala matud pay tag-iya nga mi claim hinungdan nga gikustodiya usa kini sa kapulisan.
Samtang, nagpabilin gihapon ang presyo sa buwak. Matud ni Jerica Echivari nga tumong nila nga mahalin ang ilang mga baligya nga buwak hilabi na ug katapusang adlaw na karon sa pagdagsa sa mga tawo.
Dugang pa niini nga daghan gihapon ang managkot karon maong wala usa sila nagpaubos og presyo.
Sa laing bahin,menus ang mga tawo nga mibisita karon sa mga sam-ang kung itandi kagahapong adlawa, Nobyembre 1.
Matud ni PO3 Leejay Mandal, usa sa mga naka assign sa Calamba cemetery nga dagsa gayud ang mga tawo kagabie.
Nakumpiskar usab ang pipila ka mga kontrabando sama sa mga makahubog nga ilimnon ug mga pabuto.
Usa ka edaran nga lalaki matud pa ang misuway unta sa pagdala ug paboto sulod sa sam-ang apan wala kini gitugutan sa kapulisan.
Nakumpiskar usab sila ug mga hait nga hinagiban apan gamay lamang kini kung itandi sa miaging tuig
